„DE BADBODE" Die lesten levensjaeren van den Goeden Grave Florans van Hollant. is verkrijgbaar te Bergen-Binnen: lo. in den boekhandel van den heer P. de Haan in de Stationsstraat; 2o. in den Eersten Berger Boekhandel, Oude Prinsweg; 3o. in den boekhandel van den heer G. Schoe- link, Oldenburglaan; 4o. aan het bureau van „Vreemdelingenverkeer" naast het Postkantoor; 5o, in den Bergenschen Kunsthandel van den Heer P. Hopman; 60. in den boekhandel van den heer Thomas, Dorpsstraat, hoek Kleine Dorpsstraat, Te Bergen aan Zee: lo, in den Kunsthandel van den heer P. Hopman; 2o. in de zaak van den heer A, Passer; 3o. in den boekhandel van den heer Kuitwaard, Als men schreef XI hondert en LXXX Quam Grave Florans mit here machtich En hevet verheert en verbrant Winkel en Niedorp in Vrieslant Als LXXX en twee was gescreven, Nam Diederic de Grave van Cleven, Grave Florans dochter en vrou Aden, Mit groten feesten, mit hoghen daden, Als hem beden was betame: Margriete zo was haer name, Int selve jaer mosten de Vriesen Scade nemen ende verliesen, Daer si quamen op Akersloot, Want vele der haeren bleven doot, XI hondert LXXX en viere Screef men, dat de goedertiere Florans van Hollant dat cruus ontfing, Om te worden aerminc (pelgrim) Int lant, dat God mit sinen bloede Benediede doer arme armoede, Maer eer hi dit nam in hant, Had hi Texele en Wieringlant Bedwonghen mit oorloghen staerc En nam hem af IIII duisent 1) mare Nu gaet hier an rouwe en vaer Want als men screef mit Heren jaer XI hondert en sevenentachtig, Quam Saladijn (de Landden machtigh) Mit groten heren in Gallilee, En bezat op de verste zee Tabarien met groten here. De Conine Wijt 2) zette hem ter were Die Duytschen heren en die Templiere, Die Ridders en die Hospitaliere En die Kerstiene Baroene met hem Uten lande van Jerusalem En also si setten ter were. Int jaer Goods XI hondert en de achte En LXXX quam maere onzachte Van den lande van overmere Doe cruusde hem mit groten ghere Keizer Vrederic, en van Zwaben den Hertoghe, mit vile Gsraven Florans de Grave van Hollant, Otte Grave van Gelrelant, En menigh hoghe man sonder waen, Tghemeente hebben 't cruus ontfaen, En reden hem, ten naasten jaere Te porrene met willighen scare, Oec so cruusde hem diesghelike Philips, die Conine van Vrancrike, Die Conine mede van Enghelant Philips de Grave van Vlaendrenlant, En menich Prince van bede den landen, Die fel waren den Goeds vianden. Int jaer, doe men screef LXXXIX So porrede dat haer machtich. Keizer Vrederic sette sine vaert Ten Arme Sinte Joris 3) waert Omdat de zee aldaer was inghe; En hem gheseit was sonderlinghe Aen eenen clusenaere te voren, Dat hi in watre soude versmoren. In allen desen swaren arbeit Was hem bi ende ghereit Die Grave Florans van Hollant Die in oorlog hen metter hant Bejaghede dicken eren vele Als si wel naer alten spele Feilen waenden hare pine, Entie Keizer, entie Sine, Tiden 't Antiochen waert, Tghetgevel hem, dat si quamen sciere Ghevaren op een kleine rivieren, Die Salef bi namen hiet De Grave Florans van Hollant, Dier mede menighen swaren pant Ghedoget hadden in dese vaert Doer Gode de ghecrucet waert, Ne levene niet langhe daer naer, Hi starf t' Antiochen, en daer Wort hi begraven op enen dach Niet verre van daer de Keyser lagh; Daar 't here an nam groten scade; Want hi was stout en wijs van rade, En van Kerstinen manieren. (Uit Rijmcroniek van Melis Stoke). Eenige bekroonde nummers uit vorige Bloemencorso's. Volgens andere Kronieken moeten dit slechts 400 mark zilver zijn geweest. Guido van Lusignan. Hellespont.

Kranten Regionaal Archief Alkmaar

Bergensche bad-, duin- en boschbode | 1938 | | pagina 15